म्याड्रिड। सन् २०२५ मा करिब तीन लाख विदेशीलाई स्पेनी नागरिकता दिइएको स्पेनका सरकारी अधिकारीले बिहीबार जानकारी गराएका छन् ।
एक दशकभन्दा पहिले आधिकारिक तथ्याङ्क सङ्कलन गर्न सुरु गरेपछि सन् २०२५ मा एकै बर्ष सबैभन्दा धेरै आप्रबासीलाई नागरिकता दिइएको हो ।
युरोपको अधिकांश भागको विपरीत, स्पेनले आप्रवासीहरूलाई तुलनात्मक रूपमा स्वागत गर्ने दृष्टिकोण अपनाएको छ र तर्क गरेको छ कि वृद्ध जनसङ्ख्या र श्रम अभावलाई पूर्ति गर्न यो कदम आवश्यक छ ।
राष्ट्रिय तथ्याङ्क इन्स्टिच्युटले जारी गरेको एक विज्ञप्तिमा भनिएको छ, “गत वर्ष कुल दुई लाख ९९ हजार ७३२ जनालाई स्पेनको नागरिकता प्रदान गरिएको थियो, जुन सन् २०२४ को तुलनामा १९ प्रतिशत बढी हो ।
यो सन् २०१३ मा आप्रबासी प्रवेश रेकर्ड सुरु भएपछिको सबैभन्दा उच्च वार्षिक ग्रीनकार्ड वितरण हो ।
नयाँ नागरिकता प्राप्त गर्ने सबैभन्दा ठूलो समूह मोरक्कोको रहेको छ भने दोस्रोमा कोलम्बिया र तेस्रोमा भेनेजुएला रहेको छ । होन्डुरसबाट आएका आप्रबासीको पनि उल्लेख्उय अर्थात् चौथो धेरै नागरिकता प्र्राप्त गरेका थिए ।
धेरै पूर्व स्पेनिस उपनिवेशका नागरिकहरूलाई नागरिकता प्राप्त गर्न सजिलो बनाउने दीर्घकालीन कानुनी प्रावधानहरू प्रतिबिम्बित गर्दै उक्त अवधिमा सर्वाधिक आप्रवासी (हरेक १० मध्ये ९ जना) लाई नागरिकता दिइएको हो ।
ल्याटिन अमेरिकी नागरिकहरूले दुई वर्षको कानुनी निवासपछि स्पेनी बसोबासका लागि स्थायी स्वीकृति (नागरिकता) का लागि आवेदन दिन सक्छन्, जबकि अन्य विदेशीहरूको लागि १० वर्षको मानक आवश्यक हुन्छ ।
स्पेनका प्रधानमन्त्री पेड्रो सान्चेजको समाजवादी नेतृत्वको सरकारले यस बषैको जनवरीमा कागजात नभएका लगभग पाँच लाख आप्रवासीहरूलाई निवास र कार्य अनुमति दिने योजना सार्वजनिक गरेको थियो ।
यो उपाय सन् २०२५ डिसेम्बर ३१ भन्दा पहिले स्पेनी भूमिमा आइपुगेका र कम्तिमा पाँच महिना स्पेनमा बसेका सबै आप्रवासीहरूका लागि लागू हुनेछ । कुनै आपराधिक रेकर्ड भएका व्यक्ति भने यसका लागि योग्य मानिने छैनन् ।
तथ्याङ्क अनुसार स्पेनमा लगभग पाँच करोड बासिन्दाहरू छन्, जसमा ७३ लाख विदेशी बासिन्दाहरू रहेका छन्। (रासस/एएफपी)
