काठमाडौं । श्रम संस्कृति पार्टीका अध्यक्ष तथा संसदीय दलका नेता हर्कराज राई (हर्क साम्पाङ) ले उज्यालो नेपाल पार्टीका अध्यक्ष कुलमान घिसिङलाई पार्टी एकताका लागि निमन्त्रणा गरेका छन्।
राईले आफू नेतृत्वको पार्टीमा समाहित हुन आग्रह गर्दै बुधबार निमन्त्रणा पठाएको र सो जानकारी बिहीबार बिहान सामाजिक सञ्जालमार्फत सार्वजनिक गरेको जनाएका छन्।
सामाजिक सञ्जाल फेसबुकमा उनले राजनीतिक सहकार्य र एकताको आवश्यकता औंल्याउँदै लेखेका छन्, “केपी ओली र प्रचण्ड मिल्न सक्ने, प्रचण्ड र शेरबहादुर देउवा मिल्न सक्ने, बालेन र रवि मिल्न सक्ने तर हर्क साम्पाङ र कुलमान मिल्न नसक्ने??? यस्तो नि हुन्छ??? मिल्नुपर्छ भनेर मैले निम्तो पठाएको हुँ हिजो।”
साम्पाङको उक्त अभिव्यक्तिसँगै दुई नेताबीच सम्भावित राजनीतिक एकताको विषय चर्चामा आएको छ।
