काठमाडौँ । सत्तारुढ दल राष्ट्रिय स्वतन्त्र पार्टी (रास्वपा)का प्रमुख सचेतक कविन्द्र बुर्लाकोटीले प्रधानमन्त्री बालेन्द्र शाहले एक साताभित्र प्रतिनिधि सभालाई सम्बोधन गर्ने बताएका छन्।
मंगलबार प्रतिनिधि सभाको बैठकमा विपक्षी दलहरूले प्रधानमन्त्रीले संसद्मा कहिले सम्बोधन गर्ने भन्ने विषय उठाएका थिए। त्यसपछि सभामुख डोलप्रसाद अर्यालले प्रमुख सचेतक बुर्लाकोटीलाई बोल्ने समय दिएका थिए।
सभालाई सम्बोधन गर्दै बुर्लाकोटीले प्रधानमन्त्रीको सचिवालयसँग आफूले सम्पर्क गरेको जानकारी दिए। उनले विपक्षी सांसदहरूले उठाएको चासो सचिवालयसमक्ष राखिएको उल्लेख गर्दै प्रधानमन्त्रीले सम्भवतः एक साताभित्र संसद्मा उपस्थित भएर सम्बोधन गर्ने जानकारी प्राप्त भएको बताए।
