काठमाडौं । प्रधानमन्त्री केपी शर्मा ओलीको सचिवालयका सल्लाहकार एवं सदस्यले राजीनामा दिने भएका छन् । प्रधानमन्त्रीलाई सहज बनाउन भन्दै सचिवालयका सबै सदस्यले राजीनामा दिन लागेको बताइएको छ । सचिवालयका एक सदस्यको भनाईमा मंसिरबाट लागू हुने गरी स्वच्छिक रुपमा राजीनामा दिन लागिएको हो ।
आलोचनाको केन्द्रमा रहेका मुख्य राजनीतिक सल्लाहकार विष्णु रिमाल, विदेश मामिला सल्लाहकार राजन भट्टराई, जनसम्पर्क सल्लाहकार अच्युत मैनाली, स्वकीय सचिव इन्द्र भण्डारी, प्रेस सल्लाहकार कुन्दन अर्याल, सूचना प्रविधि सल्लाहकार अस्गर अलीसहित सबैले राजीनामा दिने छन् ।
मुख्य सल्लाहकारहरुले प्रधानमन्त्रीलाई गुमराहमा राखेको, अनावश्यक विवादमा तानेको तथा प्रमसँगको जनसम्पर्क कुंठित बनाएको आरोप लाग्दै आएको छ ।
