काठमाडौंः भारतको नागपुरमा जारी तेस्रो तथा अन्तिम टी२० क्रिकेट प्रतियोगितामा भारतले बंगलादेशसामु जितका लागि १७५ रनको चुनौती प्रस्तुत गरेको छ । टस हारेर पहिले ब्याटिडको निम्तो पाएको भारतले निर्धारित २० ओभरमा ५ विकेट गुमाएर १७४ रन बनाएको छ। भारतका लागि प्रारम्भिक ब्याट्सम्यान एवं टिमका कप्तान रोहित शर्मा २ रनमात्र बनाएर शफिउल इस्लामको बलमा आउट भएका थिए ।
भारतका लागि शिखर धवनले १९, केएल राहुलले ५२, एसएस ऐयरले ६२, रिसभ पन्त ६, मनिष पाण्डेले २२ तथा शिभम दुबेले ९ रन बनाएका थिए । बंगलादेशका लागि शफिउल इस्लामले २ तथा सौम्य सर्कारले २ विकेट लिएका थिए ।
भारत र बंगलादेशबीच शृंखला हाल १- १ को बराबरीमा रहेको छ ।
