काठमाडाैँ । नेपाल आयल निगमको निमित्त कार्यकारी निर्देशकको जिम्मेवारी नायब कार्यकारी निर्देशक नागेन्द्र साहले सम्हालेका छन्।
उनी निगमका सबैभन्दा वरिष्ठ कर्मचारी हुन् र अर्थ तथा कर्मचारी प्रशासन विभागको नेतृत्व गर्दै आएका थिए।
यसअघि कार्यकारी निर्देशक डा. चण्डिकाप्रसाद भट्टले नयाँ सरकारको चाहनाअनुसार ३० वैशाखमा राजीनामा दिएपछि पद खाली भएको थियो। त्यसको एक सातापछि वरिष्ठताका आधारमा उद्योग, वाणिज्य तथा आपूर्ति मन्त्रालयले साहलाई निमित्त प्रमुख तोकेको हो।
