काठमाडौं । प्रधानमन्त्री कार्यालयबाट हुँ भन्दै दैलेखको दुल्लु नगरपालिका–१३ का वडासचिव कमल भण्डारीलाई टेलिफोन गरेर अशिष्ट र अमर्यादित भाषामा धम्क्याएको आरोपमा प्रकाश खड्का पक्राउ परेका छन् ।
सुर्खेतको वीरेन्द्रनगर नगरपालिकाका स्थायी बासिन्दा २२ वर्षीय खड्कालाई प्रहरीले काठमाडौंको शंखमुलबाट पक्राउ गरेको हो ।
खड्काले टेलिफोनबाट दिएको धम्कीको अडियो सामाजिक संजालमा भाइरल भएपछि प्रधानमन्त्री कार्यालयले एक विज्ञप्ति प्रकाशन गरी खड्कालाई तत्काल पक्राउ गर्न प्रहरीलाई निर्देशन दिएको थियो ।
