काठमाडाैँ । विधायन व्यवस्थापन समिति सभापति कृष्णबहादुर रोकायले राष्ट्रिय सभामा ‘अभौतिक सांस्कृतिक सम्पदा संरक्षण विधेयक, २०८१’ सम्बन्धी समितिको प्रतिवेदन पेश गर्नुभएको छ ।
राष्ट्रिय सभाको बुधवार बसेको बैठकमा सभापति रोकायले उक्त विधेयकमाथि समितिमा भएको छलफल, सुझाव तथा संशोधनसहितको प्रतिवेदन सभासमक्ष प्रश्तुत गर्नुभएको हो ।
विधेयकले तीनै तहका सरकारले अभौतिक सांस्कृतिक सम्पदाहरुको पहिचान, संकलन तथा संरक्षण गर्ने अधिकार दिएको उहाँले बताउनु भयो
नेपालको मौलिक कला, संस्कृति, भाषा, परम्परा तथा विभिन्न समुदायका अभौतिक सांस्कृतिक सम्पदाको संरक्षण, प्रवद्र्धन र व्यवस्थापनलाई प्रभावकारी बनाउने उद्देश्य विधेयक तयार पारिएको हो । समितिले सरोकारवाला निकाय तथा विज्ञहरूसँग छलफल गरी प्राप्त सुझावका आधारमा प्रतिवेदन तयार पारेको सभापति रोकायले जानकारी दिनुभयो ।
