काठमाडाैँ । प्रतिनिधिसभा बैठकमा नीति तथा कार्यक्रममाथि छलफल गर्ने प्रस्ताव प्रस्तुत गर्ने क्रममा प्रधानमन्त्री अनुपस्थित भएपछि संसद्मा असहज स्थिति सिर्जना भएको छ। सोही घटनाक्रमपछि श्रम संस्कृति पार्टीका अध्यक्ष हर्क साम्पाङले बैठक बहिष्कार गरेका छन्।
बैठकमा प्रधानमन्त्रीको सट्टा प्रस्ताव प्रस्तुत गर्ने जिम्मा स्वर्णिम वाग्लेले लिने तयारी गरिएको थियो। तर प्रधानमन्त्री अनुपस्थित रहेको विषयलाई लिएर असन्तुष्टि जनाउँदै हर्क साम्पाङले संसद्भित्रै उठेर राजीनामाको माग गरेका थिए।
सभामुखले प्रमुख प्रतिपक्षी दललाई बोल्ने समय उपलब्ध गराउने प्रयास गरे पनि परिस्थिति सहज हुन नसकेपछि साम्पाङ बैठकबाट बाहिरिएका हुन्। घटनापछि संसद् बैठक केहीबेर तनावपूर्ण बनेको थियो।
नीति तथा कार्यक्रममाथिको छलफल प्रक्रिया भने अन्य सांसदहरूको सहभागितासहित अघि बढाइएको बताइएको छ।
