काठमाडौंः निजी क्षेत्रका बैंकमध्ये सबैभन्दा बढी लाभांश दिने घोषणा गरेको नबिल बैंक लिमिटेडले गत आर्थिक वर्ष २०७७-७८ को मुनाफाबाट वितरण गर्ने घोषणा गरेको लाभांश पारित गर्न साधारण सभा बोलाएको छ ।
बैंकले ३३.६० प्रतिशत बोनस शेयर र सोको कर प्रयोजनार्थसहित ४.४० प्रतिशत नगद लाभांश दिने यसअघि घोषणा गरिसकेको छ । सोही लाभांश प्रस्ताव पारित गर्न बैंकले पुस ३० गते शुक्रबार ३७ औँ वार्षिक साधारण सभा डाकेको हो।
साथै अन्य उपयुक्त बैंक तथा वित्तीय संस्थासँग मर्जर अथवा एक्विजिशन सम्बन्धि कार्य गर्न सञ्चालक समितिलाई अख्तियारी दिने, अधिकृत पूँजी १० अर्ब पुर्याउने, संस्थापक शेयरधनीहरुको तर्फबाट सञ्चालक समितिमा प्रतिनिधित्व गर्ने २ जना सञ्चालक नियुक्त गर्नेलगायतका प्रस्तावहरु पनि साधारण सभाले पारित गर्नेछ।
साधारण सभा प्रयोजनार्थ बैंकले पुस १६ गते बुकक्लोज गर्ने भएको छ। यस अनुसार पुस १५ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउनुका साथै बैंकले वितरण गर्ने लाभांश प्राप्त गर्न सक्नेछन्।
पछिल्लो पटक पुस ९ गते शेयर बजारमा नबिल बैंकको शेयर प्रति कित्ता रु १,४८५ को हाराहारीमा कारोबार भएको थियो ।
