लण्डन । वैज्ञानिकहरुले भर्खरै शरीरको यस्तो अङ्ग पत्ता लगाएका छन् जसको बारेमा आजभन्दा पहिले कहिल्यै उल्लेख गरिएको थिएन। यो भाग गिजाको मासेटर मांसपेशीको गहिरो तहभित्र पाइन्छ। मासेटर मांसपेशी आफैँले बङ्गाराको तल्लो भाग उठाउँछ र खाना चपाउनमा महत्त्वपूर्ण भूमिका खेल्छ।
पहिला दुई तह मात्र उल्लेख
आधुनिक एनाटोमी पाठ्यपुस्तकले मासेटरको दुई तहबारे मात्र वर्णन गर्दछ। यसमा गहिरो र सतही तह छ।
यद्यपि केही ऐतिहासिक पुस्तकहरूले तेस्रो तहको सम्भावित अस्तित्वको पनि उल्लेख गरेका छन् तर यो नयाँ पत्ता लागेको भागको स्थितिअनुसार सही होइन । यस खोजसँग सम्बन्धित रिपोर्ट डिसेम्बर २ मा साइन्स जर्नल एनल्स अफ एनाटोमीको अनलाइन संस्करणमा प्रकाशित भएको थियो।
मानिसको १२ टाउकोको जाँच
यसमा अनुसन्धान पत्र लेख्ने वैज्ञानिकहरुले ऐतिहासिक ग्रन्थमा लेखिएका बङ्गाराको मांसपेशीमा लुकेको अङ्ग पत्ता लगाउन आफ्नो टोलीले अध्ययन सुरु गरेको बताएका थिए । यसका लागि टोलीले १२ जना मानिसको टाउको काटेर फर्माल्डिहाइडमा सुरक्षित राखे। जब वैज्ञानिकहरूले यी टाउकोहरुको अध्ययन गरे तिनीहरूले आश्चर्यजनक नतिजाहरू फेला पारे। वैज्ञानिकहरूले प्राचीन ग्रन्थहरूमा लेखिएको ठाउँबाट शरीरको अर्को भाग देखे।
एमआरआई र सीटी स्क्यान पनि
रिपोर्टका अनुसार टोलीले यस अनुसन्धानका क्रममा १६ ताजा शवको सीटी स्क्यान पनि लिएको थियो र जिउँदो मानिसको एमआरआई स्क्यानसँग तुलना गरेको थियो । यी परीक्षणमार्फत वैज्ञानिकहरूले बङ्गाराको मांसपेशीमा तेस्रो तह देखे।
यो गहिरो तह जाइगोमेटिक प्रक्रियाबाट चल्ने वैज्ञानिकहरूले बताएका छन्। यो प्रक्रियाले गालाको नरम हड्डीको आधार बनाउँछ। यसलाई कानको ठीक अगाडि महसुस गर्न सकिन्छ।
शताब्दीकै सबैभन्दा ठूलो खोज
स्विट्जरल्याण्डको बासेल विश्वविद्यालयको बायोमेडिसिन विभागकी लेक्चरर र यस शोध पत्रका लेखक सिल्भिया मेजीले मांसपेशीको यो गहिरो भाग पहिले थाहा भएको दुई तहभन्दा पूर्णतया फरक भएको बताइन् । यो तहले तल्लो बङ्गारा स्थिर गर्न मद्दत गर्छ। बासेल विश्वविद्यालयको सेन्टर अफ डेन्टल मेडिसिनका प्रोफेसर डा जेन्स क्रिस्टोफ टर्पका अनुसार सामान्यतया विगत १०० वर्षमा शारीरिक अनुसन्धानले कुनै कसर बाँकी राखेको छैन भन्ने विश्वास गरिन्छ, यस्तो अवस्थामा यसलाई शताब्दीकै खोज मान्न सकिन्छ ।
