इङलिस प्रिमियर लिग अन्तर्गत सोमबार साँझ भएको खेलमा नटिङघम फरेस्टले चेल्सीलाई ३ – १ गोल अन्तरले पराजित गरेको छ ।
यो हारसँगै च्याम्पियन्स लिगमा छनोट हुने चेल्सीको सम्भावनामा गम्भीर धक्का लागेको छ भने फरेस्ट रेलिगेसन जाेनबाट जोगिने सम्भावना बढेको छ ।
लिग अंक तालिकामा चेल्सी नवौं स्थानमा झरेको छ । चेल्सीले ३५ खेलबाट ४८ अंक जोडेको छ । अब लिगमा चेल्सीले तीन खेल मात्र खेल्न बाँकी छ ।
निकै आक्रामक खेल प्रस्तुत गरेको नटिङघम फरेस्टका लागि पहिलो गोल २ मिनेटभित्रै टाइओ आओनियीले गरेका थिए । टाइओले ५२औं मिनेटमा पनि अर्को गोल गरेका थिए । दोस्रो गोल भने पेनाल्टीमा आइगोर जिससले १५औं मिनेटमा गरेका थिए ।
चेल्सीका लागि एकमात्र गोल जोआओ पेड्रोले ९३औं मिनेटमा गरेका थिए ।
फरेस्टका लागि यो जित निकै महत्वपूर्ण थियो । फरेस्टले ३५ खेलबाट ४२ अंक जोडेर रेलिगेसन जोनको संकट टारेको अनुमान गरिएको छ ।
हालसम्म रेलिगेसन जोन मा वेस्टह्याम युनाइटेड (३६ अंक), बर्नली (२० अंक) र उल्भ्स (१८ अंक) रहेका छन् । टोटेनह्याम हस्पर्सको ३७ अंक छ ।
आज राति म्यान्चेस्टर सिटी र एभर्टन बीच खेल हुँदैछ । यो खेल मध्यराति १२.४५ बजे सुरु हुनेछ । एजेन्सी
