काठमाडौं । राष्ट्रपति रामचन्द्र पौडेलले मन्त्रिपरिषद्को सिफारिसमा पेश गरिएका ६ वटा अध्यादेशमध्ये एउटा मात्रै जारी गरेका छन्।
राष्ट्रपतिको कार्यालयले बिहीबार जारी गरेको विज्ञप्तिअनुसार नेपालको संविधानको धारा ११४ को उपधारा (१) बमोजिम ‘सहकारी (पहिलो संशोधन) अध्यादेश, २०८३’ स्वीकृत गरी जारी गरिएको हो। उक्त अध्यादेश २०८३ साल वैशाख १७ गते जारी गरिएको विज्ञप्तिमा उल्लेख छ।
सरकारले एकैपटक ६ वटा अध्यादेश सिफारिस गरे पनि राष्ट्रपतिबाट हालसम्म सहकारीसम्बन्धी अध्यादेश मात्रै जारी भएको हो। बाँकी अध्यादेशहरूबारे निर्णय भने सार्वजनिक गरिएको छैन।
