भक्तपुर: सरकारले सवारी लाइसेन्स छपाइ र वितरणलाइ तिब्रता दिइरहेको बताएको छ । मोबाइलमा नयाँ लाइसेन्स छापिएर आएको खबर पाएर मख्ख परेका सेवाग्राही यातायाता कार्यालयमा पुग्दा आश्चर्यमा परेका छन् ।
खासगरी उनीहरूलाइ नयाँ लाइसेन्स लिन घन्टौ लाममा बस्नुपर्ने बाध्यता छ । धेरै लामो समयदेखि लाइसेन्स वितरण नभएका कारण ठूलो संख्यामा सेवाग्राही आफ्नो लाइसेन्स पाउने आकाँक्षामा देखिन्छन् ।
भक्तपुरको राधेराधे स्थित यातायात कार्यालयमा आज दिउँसो १२ बजे पनि यस्तै अवस्था थियो । हाम्रा संवाददाताले त्यहाँ सेवाग्राहीको लामो भिडको तस्बिर लिएका छन् ।
यहाँ आजभोलि बिहान ६ बजेदेखि सेवाग्राहीहरू लाइसेन्स लिन लाइन बस्छन्, ५ बजेसम्म नै भिड हुन्छ । दैनिक एक हजार लाइसेन्स वितरण गर्दै आएको कार्यालयले यही गतिमा वितरण हुँदा ६ महिना लाग्ने जनाएको छ ।
तस्बिरः न्युजपोलार
