काठमाडौँ । सरकारले संसद्को अधिवेशन स्थगन गरेर दुई वटा अध्यादेश ल्याएको छ।
राष्ट्रपति समक्ष सिफारिस गरिएका दुबै अध्यादेश राष्ट्रपति कार्यालयमा आइपुगेका र राष्ट्रपति कार्यालयले दुबैको अध्ययन गरिरहेको राष्ट्रपतिका प्रेस सल्लाहकार किरण पोखरेलले न्युजपोलारलाई जानकारी दिए ।
सोमबारको मन्त्रिपरिषद् बैठकले संवैधानिक परिषद्सम्बन्धी र सहकारी सम्बन्धी अध्यादेश ल्याउने निर्णय गरी राष्ट्रपतिसमक्ष सिफारिस गरेको हो।
यसअघि वैशाख ८ गते मन्त्रिपरिषद्ले संसद् अधिवेशन आह्वानका लागि राष्ट्रपति समक्ष सिफारिस गरेको थियो र सोही सिफारिसअनुसार वैशाख ९ गते राष्ट्रपतिले वैशाख १७ गतेका लागि संसद् अधिवेशन आह्वान गर्नुभएको थियो।
तर, संसद् आह्वान गरिएको भोलिपल्टै वैशाख १० गते सरकारले पुनः अधिवेशन स्थगनका लागि सिफारिस गर्यो र विशेष कारण देखाउँदै अधिवेशन स्थगित गरियो।
