काठमाडौं: इन्डियन प्रिमियर लिग (आइपिएल) अन्तर्गत आज साँझ भएको पहिलो खेलमा पञ्जाब किंग्सले अवश्वसनीय ब्याटिङ मद्दतले दिल्ली क्यापिटल्सलाई पराजित गरेको छ ।
दिल्लीले पहिले ब्याटिङ गरेर जितका लागि पञ्जाब समक्ष २६५ रनको चुनौती प्रस्तुत गरेको थियो । दिल्लीका लागि केएल राहुलले व्यक्तिगत १५२ रन बनाएका थिए जसमा ९ छक्का र १६ चौका समावेश थियो ।
अर्का ब्याटर नितिश रानाले पनि राहुललाई साथ दिँदै ९१ रन बनाएका थिए । उनले पनि ४ छक्का र ११ चौका प्रहार गरेका थिए ।
जितका लागि २६५ रनको अविश्वसनीय लक्ष पछ्याएको पञ्जाबले १८.५ ओभरमै ४ विकेट गुमाएर विजयी भयो । आइपिएलमा पहिलो स्थानमा रहेको पञ्जाबका खेलाडीले सुरुदेखि नै आक्रामक ब्याटिङ गरेका थिए ।
प्रारम्भिक ब्याटर प्रभसिमरिन सिंहले २६ बलमा आकर्षक ७६ रन बनाएर आउट भए भने अर्का ओपनर प्रियाँस आर्याले पनि १७ बलमा ४३ रन बनाएर पभेलियन फर्किए । तर त्यसपछि आएका कूपर कोनोली १७ रन मात्र बनाएर आउट भए ।
त्यसपछि क्रिजमा आएका कप्तान श्रेयस ऐयरले खेलको दृश्य नै फेरिदिए । उनले ३६ बलमा अविजित ७१ रन बनाए जसमा ७ छक्का र ३ चौका सामेल थियो ।
आजको खेलमा दिल्ली क्यापिटल्स पराजित भए पनि दिल्लीका केएल राहुलले म्यान अफ दी म्याचको पुरस्कार पाए ।
अहिले दोस्रो खेल राजस्थान रोयल्स र सरराइजर्स हैदराबाद बीच खेल भइरहेको छ । पहिले ब्याटिङ गरिरहेको राजस्थानका लागि युवा खेलाडी वैभव सूर्यवंशीले शतक प्रहार गरेका छन् ।
