काठमाडौं । सरकारले आजबाट थापाथली, मनोहरा, सिनामंगल र गैरिगाउँका सुकुमवासी बस्ती हटाउदैं छ । बिहानै देखी थापाथली सुकुमवासी बस्तीमा ठूलो संख्यामा सुरक्षाकर्मी परिचालन गरिएको छ ।
बस्ती हटाउन काठमाडौं महानगरपालीको डोजरसहित सुरक्षाकर्मीको टोली सुरुमा थापाथली जाने र त्यसपछि सिनामंगल जाने जनाईएको छ । यसपछि सिनामंगल र गैरिगाउँका अनाधिकृत बस्ति हटाउने तयारी गरिएको छ ।
दोस्रो चरणमा बाँकी सकुमवासी बस्ती हटाइने काठमाडौँ महानगरपालिकाले जनाएको छ।
सरकारले सुरु गर्न लागेको सुकुम्वासी र भूमिहीन व्यवस्थापन प्रक्रियालाई सघाउन नेपाल प्रहरीले नदी किनार तथा सार्वजनिकस्थलमा बसोबास गरिरहेका नागरिकलाई आग्रह गरेको छ ।
वास्तविक सुकुम्वासी र भूमिहीन पहिचान गरी न्यायोचित आवास तथा अधिकार प्रदान गर्ने उद्देश्यका साथ अभियान सुरु हुन लागेको नेपाल प्रहरीका प्रहरी प्रवक्ता अबिनारायण काफ्लेले जानकारी दिनुभयो ।
