अमेरिकाको Louisiana राज्यस्थित श्रेभपोर्ट शहरमा भएको एक गोलीकाण्डमा १ देखि १४ वर्ष उमेर समूहका आठ जना बालबालिकाको ज्यान गएको छ। प्रहरीले यस घटनालाई “घरेलु विवाद” (domestic disturbance) सँग जोडिएको जनाएको छ।
प्रहरीका अनुसार स्थानीय समयअनुसार बिहान करिब ५:०० बजे घटना सुरु भएको थियो। एक जना बन्दुकधारीले कुल १० जनामाथि गोली चलाएका थिए। घटनापछि उनी चोरी गरिएको गाडीमा भागेका थिए। पछि प्रहरीले उनलाई पछ्याएर गोली हानी मारिएको पुष्टि गरेको छ।
श्रेवपोर्टका मेयर Tom Arceneaux ले घटनाप्रति दुःख व्यक्त गर्दै भने, “हामीसँग पीडित परिवारहरू छन्, पीडित प्रहरी अधिकारीहरू छन्, र यो घटनाले सम्पूर्ण समुदायलाई असर पारेको छ। हामी सबै मिलेर यी परिवारहरूसँग शोक व्यक्त गर्छौं।”
प्रहरीले मृतक तथा संदिग्ध आक्रमणकारीको पहिचान सार्वजनिक गरेको छैन। तर, मारिएका बालबालिकामध्ये केहीको सम्बन्ध आक्रमणकारीसँगै रहेको बताइएको छ।
गोलीकाण्ड एउटै ब्लकभित्रका दुई घर र नजिकैको अर्को एउटा घरमा भएको प्रहरीले जनाएको छ।
यस घटनाले सम्पूर्ण समुदाय स्तब्ध बनेको छ भने सुरक्षाका विषयमा गम्भीर चिन्ता बढाएको छ।
