इङलिस प्रिमियर लिग अन्तर्गत आज राति भएको खेलमा म्यान्चेस्टर सिटीले आर्सनललाई २ – १ गोल अन्तरले पराजित गरेको छ । यो जितसँगै प्रिमियर लिगको उपाधि होड खुला भएको छ ।
एतिहाद रंगशालामा भएको यस रोमाञ्चक खेलमा सिटीका लागि रायन चेर्कीले १६औं तथा एर्लिङ हालान्डले ६५औं मिनेटमा गोल गरेका थिए । आर्सनलका एक मात्र गोल १८औं मिनेटमा काई हाभार्जले गरेका थिए ।
यद्यपी आजको खेलमा आर्सनल अभागी रह्यो । आर्सनलले प्रहार गरेका कम्तीमा चार वटा सट गोलपोस्टमा लागेर फर्किएका थिए ।
यो जितसँगै म्यान्चेस्टर सिटीले ३२ खेलबाट ६७ अंक जोडेको छ । लिग लिडर आर्सनलले ३३ खेलबाट ७० अंक बटुलेको छ ।
बर्नलीसँगको अर्को खेल जितेमा म्यान्चेस्टर सिटी ७० अंक सहित पहिलो स्थानमा पुग्नेछ । त्यसैले अबका खेलहरु दुबै टिमका लागि अति नै महत्वपूर्ण हुनेछन् ।
आजै भएको अर्को खेलमा लिभरपूलले एभर्टनलाई २ – १ गोल अन्तरले पराजित गरेको थियो । लिभरपुलका लागि मोहम्मद सलाह र भर्जिल भ्यान जिकले गोल गरेका थिए ।
यो जितसँगै लिभरपूल च्याम्पियन्स लिगमा छनौट हुने सम्भावना बढेको छ । लिभरपूलले ३३ खेलबाट ५५ अंक जोड्दै पाँचौं स्थानमा रहेको छ ।
