काठमाडौँ । संस्कृति, पर्यटन तथा नागरिक उड्डयन मन्त्री खडकराज (गनेस) पौडेलसँग नेपालका लागि चिनियाँ राजदूत झाङ माओमिङले मन्त्रालयमा भेटवार्ता गर्नु भएको छ । भेटमा दुवै पक्षबीच चीन–नेपाल सांस्कृतिक तथा जनस्तरको सम्बन्ध अझ सुदृढ गर्ने विषयमा छलफल भएको मन्त्री पौडेलको सचिवालयले जनाएको छ ।
छलफलका क्रममा चिनियाँ राजदूत माओमिङले नेपालको आर्थिक विकास, पर्यटन प्रवर्द्धन तथा जनजीवन सुधारका प्रयासमा समर्थन रहने स्पष्ट पार्नु भएको थियो । दुवै देशले पर्यटन तथा नागरिक उड्डयन क्षेत्रमा सहकार्य अझ विस्तार गर्ने प्रतिबद्धता व्यक्त गरेका छन्।
भेटवार्तालाई द्विपक्षीय सम्बन्ध सुदृढ गर्ने र पर्यटन क्षेत्रलाई नयाँ उचाइमा पुर्याउने दिशामा महत्वपूर्ण कदमका रूपमा हेरिएको चिनियाँ राजदूतावासले जनाएको छ ।
