काठमाडौं: नेकपा (एमाले) का उपाध्यक्ष विष्णु पौडेलले नेकपा एमालेका लागि गत निर्वाचनमा भएको चिन्ताजनक पराजयको गभीर समीक्षा र पार्टीको पुनर्गठन आजको प्राथमिक कार्यसूची रहेको बताउनु भएको छ ।
उहाँले सामाजिक संजालमा आफ्नो धारणा सार्वजनिक गर्दै यस यथार्थबाट अन्यत्र ध्यान मोड्ने गरी पर्दा भित्रबाट वामपन्थी एकताको असान्दर्भिक चर्चा कस्ले, किन चलाइरहेका हुन् भनी प्रश्न गर्नु भएको छ ।
नेकपा एमाले र नेपाली कम्युनिष्ट पार्टी बिच एकता हुन लागेको र त्यसका लागि दुबै पार्टीका शीर्ष नेताहरू केपी शर्मा ओली र पुष्पकमल दाहाल प्रचण्ड बिच वार्ता भइरहेको भन्दै केही दिनदेखि राजनीतिक वृत्तमा चर्चा चुलिएसँगै उपाध्यक्ष पौडेलले आफ्नो धारणा सार्वजनिक गर्नु भएको हो ।
