काठमाडौं । अर्थ मन्त्रालयमा आज अन्तर-सरकारी वित्त परिषद्को बैठक बस्दैछ। बैठक मन्त्रालयस्थित सुवर्णहलमा बिहान ११ बजेदेखि सुरु हुने जनाइएको छ।
बैठकमा संघ, प्रदेश र स्थानीय तहबीचको वित्तीय समन्वय, स्रोत बाँडफाँट तथा बजेट व्यवस्थापनलगायत विषयमा छलफल हुने अपेक्षा गरिएको छ। परिषद्को बैठकलाई आगामी आर्थिक वर्षको बजेट तयारीसँग पनि महत्वपूर्ण रूपमा जोडेर हेरिएको छ।
बैठकमा सञ्चारकर्मीहरूलाई पनि सहभागी हुन अनुमति दिइएको अर्थ मन्त्रालयले जनाएको छ।
