काठमाडौं । निवर्तमान प्रधानमन्त्री केपी शर्मा ओलीको पत्थरी सम्बन्धी शल्यक्रिया सफलतापूर्वक सम्पन्न भएको छ ।
उनको स्वास्थ्य अवस्थासम्बन्धी जानकारी दिँदै चिकित्सकहरूले शल्यक्रिया सफल भएको र हाल उनको अवस्था स्थिर रहेको बताएका छन् ।
उपचारमा संलग्न चिकित्सकका अनुसार आवश्यक निगरानीसहित उनलाई आराममा राखिएको छ ।
स्वास्थ्य अवस्था सुधारोन्मुख रहेको र केही दिनमै नियमित गतिविधिमा फर्कन सक्ने अपेक्षा गरिएको छ । ओलीको स्वास्थ्य अवस्थाबारे थप जानकारी भने क्रमशः सार्वजनिक गरिने जनाइएको छ ।
