धनगढी: डडेल्धुरातर्फ गईरहेको जीप कञ्चनपुरमा मंगलबार साँझ ६ बजेतिर दुर्घटना हुँदा दुई जनाको मृत्यु भएको प्रहरीले जनाएको छ ।
कृष्णपुर नगरपालिका-१ पहरियामा से १ ज २९० नम्बरको जीप पहरीया–कुगडा भित्री कच्ची सडकखण्डबाट खोल्सामा खसेर दुर्घटना भएको हो ।
दुर्घटनामा कृष्णपुर नगरपालिका-१ का ६० वर्षीय नन्दराम पार्की र सोही ठाउँकी ६२ वर्षीया कलावति देवी बोहराको घटनास्थलमै मृत्यु भएको जिल्ला प्रहरी कार्यालय कञ्चनपुरले जनाएको छ ।
दुर्घटनामा परेर जिपमा सवार ६ जना घाइते भएका छन् । उनीहरूलाई उपचारका लागि धनगढी लगिएको प्रहरीले जनाएको छ।
