काठमाडौं: युरोपकै प्रतिष्ठित फुटबल प्रतियोगिता च्याम्पियन्स लिगमा आज राति भएका खेलमा फ्रेन्च क्लब पिएसजी र स्पेनी क्लब एटलेटिको म्याड्रिडलाई सफलता प्राप्त भएको छ ।
पहिलो लेगका यी खेलहरुमा पिएसजीले इङलिस क्लब लिभरपुललाई २-० गोल अन्तरले पराजित गरेको छ । पिएसजी गतवर्षको च्याम्पियन पनि हो ।
पिएसजीको गृह मैदान पार्क डेस प्रिन्सेसमा भएको यस खेलमा पिएसजीका लागि डिजायर डाउले ११औं तथा ६५औं मिनेटमा भिचा भत्स्खेलियाले उत्कृष्ट व्यक्तिगत प्रयासमा गोल गरेका थिए ।
इङलिस प्रिमियर लिगमा पनि यस सिजन लय गुमाएको आर्ने स्लटको लिभरपुलमाथि पूरै खेल अवधिभर पिएसजी हाबी भएको थियो । पिएसजीले ७४ प्रतिशत समय बल आफ्नो नियन्त्रणमा राख्नुका साथै १७ पटक लिभरपुलको पोस्टमा प्रहार गरेको थियो ।
निरिह झैं देखिएको लिभरपुलले भने तीन पटक मात्र पिएसजीको गोलपोस्टमा प्रहार गरेको थियो ।
उता, स्पेनी महारथी बार्सिलोना स्पेनी अर्को क्लब एटलेटिको म्याड्रिडसँग स्तब्ध भएको छ ।
बार्सिलोनाको गृहमैदान क्याम्प नाउमा भएको यस प्रतिस्पर्धामा बार्सिलोनाले एटलेटिको माथि निरन्तर प्रहार गरे पनि गोल गर्न सकेन, र खेल २-० ले गुमायो ।
एटलेटिकोका लागि जुलियन एल्भारोले ४५औं तथा अलेक्जान्डर सोर्लोथले ७०औं मिनेटमा गोल गरे ।
अब यी दुई बीच अप्रिल १५ मा दोस्रो लेगको खेल हुनेछ । Agency
