काठमाडौँ । कानुन, न्याय तथा संसदीय मामिलामन्त्री सोविता गौतमसँग नेपालका लागि स्वीट्जरल्यान्डका राजदूत डा. ड्यानियल म्युलीले शिष्टाचार भेटवार्ता गर्नुभएको छ ।
भेटका क्रममा राजदूत म्युलीले नवनियुक्त मन्त्री गौतमलाई बधाई तथा शुभकामना व्यक्त गर्नुभएको थियो ।
सो अवसरमा मन्त्री गौतम र राजदूत म्युलीबीच नेपाल र स्विट्जरल्यान्डबीचको दीर्घकालीन मैत्री सम्बन्ध, द्विपक्षीय सहकार्य, नेपालको शान्ति प्रक्रिया तथा न्यायमा नागरिकको पहुँच अभिवृद्धि लगायतका विषयमा विचार आदान–प्रदान भएको थियो ।
दुवै पक्षले आपसी सहकार्यलाई आगामी दिनमा अझ सुदृढ बनाउने विषयमा समेत सकारात्मक धारणा व्यक्त गरेका छन् ।
