तनहुँ । तनहुँको भिमादस्थित जनज्योति उच्च मावि विद्यालयको परिसरमा निःशुल्क स्वास्थ्य शिविर सम्पन्न भएको छ ।
शनिबार तनहुँ सेवा हस्पिटल दुलेगौंडा र रिजनल हस्पिटल पोखराको प्राविधिक तथा रोट्र्याक्ट क्लब भिमादको व्यवस्थापन एवं बाराही स्वास्थ्य क्लिनिकको आयोजनामा उक्त शिविर सञ्चालन भएको हो ।
शिविरबाट ५४६ जनाले स्वास्थ्य लाभ लिएको रोट्र्याक्ट क्लब भिमादका उपाध्यक्ष प्रकाश लम्सालले जानकारी दिए ।
शिविरमा भिडियो एक्स-रे, इसीजी, ल्याब परिक्षण, डिजिटल एक्स-रे को निःशुल्क सेवा उपलब्ध गराइएको थियो भने विरामीलाई निःशुल्क औषधि समेत वितरण गरिएको लम्सालले बताए ।
रोट्र्याक्ट क्लब भिमादले यसअघि पनि विभिन्न सामाजिक तथा रचनात्मक कार्यक्रम आयोजना गर्दै आएको छ । यसै महिनामा शिवरात्रिको दिन भिमादमै अवस्थित शिव पाञ्चायन मन्दिरमा रोट्र्याक्ट क्लब भिमादले स्वयंसेवकको भूमिकासमेत निर्वाह गरेको थियो ।
