काठमाडौं । इटालियन प्रिमियम मोटरसाइकल ब्रान्ड मोर्बिडेली नेपाली बजारमा आधिकारिक रूपमा सार्वजनिक गरिएको छ।
नेपालका लागि आधिकारिक बिक्रेता कम्पनीले आयोजना गरेको कार्यक्रममा मोर्बिडेलीका विभिन्न भेरियन्टहरू एकसाथ सार्वजनिक गरिएका हुन्। कम्पनीका अनुसार मोडेलअनुसार मोटरसाइकलहरूको मूल्य फरक–फरक तोकिएको छ।
सार्वजनिक गरिएका मोडेलमध्ये टी ५०२ एक्सको मूल्य १३ लाख ४९ हजार रुपैयाँ निर्धारण गरिएको छ। त्यसैगरी एफ ३५२ र टी ३५२ एक्सको मूल्य ९ लाख ९६ हजार ९०० रुपैयाँ रहेको छ। टी १००२ भीएक्स को मूल्य ४४ लाख ९९ हजार ९०० रुपैयाँ कायम गरिएको छ भने सी २५२ भीको मूल्य ९ लाख ६९ हजार ९०० रुपैयाँ तोकिएको कम्पनीले जनाएको छ।
यससँगै काठमाडौंको नक्सालमा नयाँ शोरूम सञ्चालनमा ल्याइएको छ, जहाँ ग्राहकहरूले प्रिमियम मोटरसाइकलको अनुभव लिन सक्नेछन्। ग्राहक सेवालाई थप प्रभावकारी बनाउन कम्पनीले तिनकुनेमा सर्भिस सेन्टर सञ्चालनमा ल्याइसकेको छ भने निकट भविष्यमा उत्तरढोकामा थप सर्भिस सेन्टर विस्तार गर्ने योजना रहेको छ।
प्रिमियम डिजाइन, शक्तिशाली इन्जिन तथा रेसिङ हेरिटेजका लागि परिचित मोर्बिडेलीले नेपाली बजारमा उच्चस्तरीय राइडिङ अनुभव प्रदान गर्ने विश्वास व्यक्त गरेको छ।
करिब पाँच दशक लामो व्यावसायिक अनुभव बोकेको वैद्य अर्गनाइजेशन ले नेपालमा अटोमोबाइल क्षेत्रमा विश्वासिलो ब्रान्ड निर्माण गर्दै आएको छ। यसअघि समूहले प्रिमियम इलेक्ट्रिक स्कुटर ब्रान्ड एथरलाई नेपाली बजारमा भित्र्याएर उल्लेखनीय सफलता हासिल गरिसकेको छ।
