काठमाडौँ । नेपाली कांग्रेसको केन्द्रीय अनुशासन समितिको बैठक पार्टी केन्द्रीय कार्यालय सानेपामा केही समयअघि सुरू भएको छ । पार्टीभित्र पछिल्लो राजनीतिक घटनाक्रम र आन्तरिक विवादका विषयमा छलफल गर्न बैठक बोलाइएको हो ।
पूर्वगृहमन्त्री तथा कांग्रेस नेता रमेश लेखक पक्राउ परेपछि पार्टीभित्रको विवाद थप चर्किएको सन्दर्भमा बैठक बसेको हो । लेखकको पक्राउका विषयमा संस्थापनइतर समूहले सन्तुलित धारणा सार्वजनिक गरेपछि संस्थापन पक्ष र इतर समूहबीचको असन्तुष्टि झन बढेको बताइएको छ ।
यसैबीच, संस्थापन पक्षले इतर समूहले समानान्तर गतिविधि गरेको आरोप लगाउँदै कारबाहीको तयारी थालेको छ । समानान्तर गतिविधिमा संलग्न भएको भन्दै नेता पूर्णबहादुर खड्कामाथि अनुशासनात्मक कारबाही गर्नुपर्ने विषयसमेत छलफलमा आएको स्रोतले जनाएको छ ।
बैठकमा पार्टी अनुशासन, आन्तरिक एकता र हालका राजनीतिक घटनाक्रमबारे विस्तृत छलफल भइरहेको जनाइएको छ ।
