काठमाडौं । उत्तर प्रदेशको विधानसभामा भारतीय जनता पार्टी(भाजपा)का विधायक आफ्नै सरकारकोविरूद्ध धर्ना बसेका छन्।
मंगलबारको विधान सभा बैठकमा भाजपा विधायक नन्दकिशोर गुर्जरले आफूमाथि प्रहरीले गरेको अत्याचारबारे बोल्न खोजेका थिए। तर सभामुखले त्यस विषयमा बोल्न नपाइने भन्दै माइक काटिदिए।
त्यसपछि भाजपाका विधायक एक जुट भई धर्नामा बसेका थिए। पछि त्यस धर्नामा विपक्षी दलका विधायक पनि सामेल भएका थिए।
विधायकहरूले ‘विधायक एकता जिन्दावाद’ भन्दै नाराबाजी समेत गरेका थिए। प्रदर्शन हुँदा मुख्यमन्त्री योगी आदित्यनाथ उपस्थित थिएनन्।
भाजपाका विधायक श्याम प्रकाशले सरकारी कर्मचारीहरुको जस्तै विधायकको पनि युनियन बनाउन पर्ने बताएका छन्।
