काठमाडौं । काँग्रेसका वरिष्ठ नेता रामचन्द्र पौडेल पक्षका नेताहरुको छुट्टै भेला भएका छन । वरिष्ठ नेता पौडेल निवास बोहोराटारमा १२ बजेदेखि छलफलमा जुटेका हुन्।
यता पार्टीमा तेस्रो धारको नेतृत्व गर्दै आएका कृष्ण सिटौलासहित पौडेल पक्षका नेताहरु महामन्त्री शशांक कोइराला, कोषाध्यक्ष सीतादेवी यादव, केन्द्रीय सदस्यहरु प्रकाशमान सिंह, अर्जुन नरसिंह केसी, डा. रामशरण महत, डा. शेखर कोइराला, डा.मिनेन्द्र रिजाल, कल्याण गुरुङल र हृदयराम थानीलगायतको उपस्थित रहेको छ ।
सभापति शेर बहादुर देउवा पक्षले सहमति नभएका विषयमा पार्टी कार्यालयमा छलफल गर्न पौडल पक्षलाई बुधबार दिउँसो १ बजे बोलाइएपनि पौडेल पक्षका नेताहरुले आफ्नो अन्तिम रणनीति बनाएर सानेपा प्रवेशको तयारी स्वरुप बोहोराटारमा भेला भएको हुन् ।
हिजो सिंह निवास चाक्सीबारीमा भएको देउवा–पौडेल पक्षको वार्ता कमिटी केन्द्रीय कार्यसमिति बैठकअघि सानेपामा छलफल गर्ने सहमतिका साथ टुंगिएको थियो । तर पौडेल सबै नेताहरुलाई देउवा पक्षसँग अहिलेसम्म वार्ताका क्रममा भएको प्रगतिबारे आफू पक्षीय नेता नेताहरुलाई बिफ्रिङ गरिरहेको अधिकारीले बताए । उनका अनुसार आजको बैठकमा पौडेल पक्ष जाने नजाने निर्णय पनि बोहोराटारको बेलाले गर्नेछ ।