काठमाडाैँ । प्रतिनिधिसभा सदस्य निर्वाचन २०८२ को मत परिणामसहितको प्रतिवेदन प्रधानमन्त्री सुशीला कार्की समक्ष पेस गरिएको छ।
निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारी नेतृत्वको टोलीले आइतबार बालुवाटारमा पुगेर उक्त प्रतिवेदन बुझाएको हो। सो अवसरमा आयुक्तहरू डा. जानकी कुमारी तुलाधर र सगुन शम्शेर जबरा तथा आयोगका सचिव कृष्णबहादुर राउत सहितका कर्मचारीहरूको उपस्थिति रहेको थियो।
प्रतिवेदन बुझाउने कार्यक्रममा गृहमन्त्री तथा कानुनमन्त्रीलगायतको पनि उपस्थिति रहेको थियो। निर्वाचन सम्पन्न भएसँगै तयार पारिएको मत परिणामसम्बन्धी विस्तृत प्रतिवेदन सरकारसमक्ष औपचारिक रूपमा पेस गरिएको हो।
