काठमाडौँ: चीन सरकारले नेपालमा सम्पन्न संघीय संसद् निर्वाचन सफलतापूर्वक सम्पन्न भएकोमा बधाई दिएको छ। साथै राष्ट्रिय स्वतन्त्र पार्टी (रास्वपा) लाई प्रतिनिधिसभामा सबैभन्दा ठूलो दल बनेकोमा शुभकामना दिएको छ।
चीनको विदेश मन्त्रालयले जारी गरेको वक्तव्यमा चीनले नेपालसँगको परम्परागत मित्रता अझ सुदृढ बनाउँदै लैजान तयार रहेको जनाएको छ।
नेपालसँगको सहकार्यलाई थप गहिरो बनाउँदै द्विपक्षीय सम्बन्धलाई अघि बढाउने प्रतिबद्धता पनि व्यक्त गरिएको छ । नेपालमा नयाँ गठन हुने सरकारसँग सहकार्य गर्दै आपसी हित, विकास र क्षेत्रीय स्थायित्वका लागि मिलेर काम गर्ने अपेक्षा गरिएको विज्ञप्तिमा उल्लेख छ ।
