काठमाडौं । नेपालमा हालै सम्पन्न प्रतिनिधिसभा सदस्य निर्वाचनमा झण्डै दुई तिहाई बहुमत ल्याउन सफल भएको राष्ट्रिय स्वतन्त्र पार्टी (रास्वपा)लाई चिनियाँ कम्युनिस्ट पार्टीले बधाई दिएको छ । आज चिनियाँ कम्युनिष्ट पार्टीको अन्तर्राष्ट्रिय विभागले एक पत्रमार्फत् सो बधाई ज्ञापन गरेको हो ।
सिपीसीको सो पत्रमा रास्वपालाई बधाई ज्ञापन गर्दै रास्वपासँगको सम्बन्ध र सहकार्यलाई आगामी दिनमा अघि बढाइने बताइएको छ । यता रास्वपाले पनि सो बधाई प्रति खुसी व्यक्त गर्दै आगामी दिनमा दुई राजनीतिक शक्तिबीचको सम्बन्ध अझ प्रगाढ हुने विश्वास दिलाएको भन्दै धन्यवाद ज्ञापन गरेको छ ।
रास्वपाका अन्तर्राष्ट्रिय विभाग प्रमुख शिशिर खनालले राष्ट्रिय स्वतन्त्र पार्टी, नेपालको स्वतन्त्र परराष्ट्र नीति र पञ्चशीलको सिद्धान्तमा अडिग रहँदै छिमेकीहरूसँगको सम्बन्धलाई सधैँ प्राथमिकतामा राख्ने बताएका छन् । उनले चिनियाँ कम्युनिस्ट पार्टीले व्यक्त गरेको ऐक्यबद्धताका लागि धन्यवाद व्यक्त गरेका हुन् ।
