काठमाडौँ। मेडागास्करका राष्ट्रपति माइकल रान्ड्रियानिरिनाले आईतवार मामिटियाना राजोनारिसनलाई प्रधानमन्त्रीको रूपमा नियुक्त गर्नुभएको छ ।
राष्ट्रपति भवनमा भएको नियुक्ति समारोहमा रान्ड्रियानिरिनाले लामो समयदेखि भ्रष्टाचार विरोधी क्षेत्रमा काम गरेका राजोनारिसनको इमानदारी आफूलाई आवश्यक रहेको बताउनु भयो ।
राष्ट्रपतिले नयाँ प्रधानमन्त्रीले राष्ट्रिय पुनर्निर्माण नीति कार्यान्वयन गर्ने र जतिसक्दो चाँडो ठोस परिणाम दिने जिम्मेवारीसहितको सरकार तत्काल गठन गर्ने अपेक्षा गरेको पनि जोड दिनुभयो ।
आफ्नो नियुक्ति अघि, राजोनारिसनले सम्पती शुद्धीकरण र आतंकवाद कोष विरुद्धको लडाईको प्रभारी राष्ट्रिय निकाय, मेडागास्करको वित्तीय खुफिया इकाईको महानिर्देशकको रूपमा काम गर्नुभएको थियो ।
रान्ड्रियानिरिनाले पूर्व प्रधानमन्त्री हेरिन्त्सालामा राजोनारिभेलोको नेतृत्वमा रहेको सरकार विघटन गरेको छ दिनपछि यो नियुक्ति भएको हो ।
सिन्ह्वा/ न्युज एजेन्सी नेपाल
