काठमाडौँ। हंगेरीका प्रधानमन्त्री भिक्टर ओर्बानले आईतवार देशको १८४८ को क्रान्ति र स्वतन्त्रता संग्रामको वार्षिकोत्सवको अवसरमा आयोजित एक विशाल र्यालीमा हंगेरीलाई सुरक्षा र शान्तिको टापु बनाइराख्ने वाचा गर्नुभएको छ ।
संसद भवन अगाडि दशौं हजार समर्थकहरूलाई सम्बोधन गर्दै ओर्बानले छिमेकी युक्रेनको द्वन्द्व अझै बढ्नसक्ने चेतावनी दिनुभयो । द्वन्द्वमा गहिरो संलग्नताको विरोध गर्ने आफ्नो सरकारको अडान दोहोर्याउनु भयो ।
ओर्बानले हंगेरीलाई शान्तिप्रेमी र धैर्यवान राष्ट्रको रूपमा वर्णन गर्दै तेल ट्रान्जिट र द्विपक्षीय सम्बन्धको वरपरको हालैको तनावलाई लिएर किभको आलोचना पनि गर्नुभयो । सिन्ह्वा/न्युज एजेन्सी नेपाल
