काठमाडौं । दार्चुलामा निर्वाचन ड्युटी सकेर घर फर्किने क्रममा भीरबाट लड्दा एक निर्वाचन प्रहरीको मृत्यु भएको छ।
दार्चुलाको लेकम गाउँपालिका–२ का ४० वर्षीय प्रकाश धामी भीरबाट लडेर गम्भीर घाइते भएका थिए। उनलाई उपचारका लागि सेती प्रादेशिक अस्पताल, धनगढी लगिएको थियो। उपचारकै क्रममा आज उनको मृत्यु भएको जिल्ला प्रहरी कार्यालय दार्चुलाले जनाएको छ।
जिल्ला प्रहरी कार्यालयका प्रहरी निरीक्षक तथा सूचना अधिकारी हेमराज भट्टका अनुसार बिहीबार निर्वाचन ड्युटी सकेर घर फर्किने क्रममा लेकम गाउँपालिका–१ मा भीरबाट लडेर धामी घाइते भएका थिए।
गम्भीर अवस्थाका उनलाई तत्काल धनगढी पठाइए पनि उपचारका क्रममा ज्यान गएको प्रहरीले जनाएको छ।
