भक्तपुर। स्वास्थ्य तथा जनसङ्ख्यामन्त्री डा सुधा शर्मा गौतमले जुनसुकै स्वास्थ्य सेवा एवं बिरामीको उपचारमा अस्पतालले दिएको सेवामा सर्वसाधारणको सहज पहुँच उपलब्धता हुनुपर्ने बताउनुभएको छ ।
विश्व मिर्गाैला दिवस–२०२६ को अवसरमा आज सहिद धर्मभक्त राष्ट्रिय प्रत्यारोपण केन्द भक्तपुरले आयोजना गरेको कार्यक्रममा मन्त्री डा गौतमले बिरामीको उपचार सेवा सहज रुपमा पाउनुपर्ने बताउनुभयो । उहाँले राष्ट्रिय प्रत्यारोपण केन्द्रले चलाएको अभियान सकारात्मक रहेको चर्चा गर्दै केन्द्रका लागि आवश्यक जग्गा उपलब्ध गराउन पहल गरिरहेको बताउनुभयो ।
मिर्गाैला रोगका बारेमा सर्वसाधारणमा प्रभावकारी जनचेतना पुग्न सके नागरिकबाट सकारात्मक भूमिका निर्वाह हुने उल्लेख गर्दै मन्त्री डा गौतमले केन्द्रले देशभरि सञ्चालन गरेको अभियानलाई विस्तार गर्नुपर्ने बताउनुभयो ।
उहाँले भन्नुभयो, “अङ्ग प्रत्यारोपण गरेका प्रत्यारोपितहरु अरु स्वस्थ्य व्यक्ति सरह जीवनयापन गर्न सक्छन, उनीहरु हरेक क्षेत्रमा सक्षम र सबल रुपमा कार्य गर्न सक्छन् भन्ने जनचेतना आमनागरिकमा पु¥याउन सके अङ्गदान तथा अङ्ग प्रत्यारोपण कार्यलाई अझ प्रभावकारी बनाउन सकिन्छ ।”
अस्पतालकी कार्यकारी निर्देशक डा कल्पनाकुमारी श्रेष्ठले विश्वभरि नै मिर्गाैला रोगको प्रकोप बढीरहेकाले रोगको पहिचान तथा उपचार र रोकथामका उपायबारे सबैलाई सचेत गराउन केन्द्र लागि परेको बताउनुभयो । मिर्गाैला उपचारको क्षेत्रमा केन्द्र देशकै नमूना केन्द्रको रुपमा स्थापित भई हालसम्म एक हजार ५८६ जनाको मिर्गौला, ३६ जनाको कलेजो र दैनिक १५० जनाको डाइलाइसिस सेवा प्रवाह गर्दै आएको उहाँले बताउनुभयो ।
मानव अङ्ग प्रत्यारोपण केन्द्र विकास समतिकिा अध्यक्ष डा केशरबहादुर ढकालले साँघुरो भवनबाट सेवा प्रवाह हुँदा केन्द्रको सेवा विस्तार गर्न असहज भएकाले उचित स्थानमा जग्गा उपलब्ध गराउन माग गर्नुभयो । रासस
