काठमाडाैँ । फागुन २१ गते सम्पन्न प्रतिनिधिसभा सदस्य निर्वाचनमा कञ्चनपुरमा ६.८५ प्रतिशत मत बदर भएको छ। जिल्ला निर्वाचन कार्यालय कञ्चनपुरले जानकारी दिएको छ।
निर्वाचन क्षेत्र नम्बर १ मा ६० हजार ७८५ मत खसेकोमा तीन हजार ७३४ मत बदर भएका छन्। यस क्षेत्रमा कुल एक लाख एक हजार ७२४ मतदाता थिए। क्षेत्र नम्बर २ मा ६५ हजार ३४७ मत खसेकोमा चार हजार २३० मत बदर भएका छन्। यहाँ कुल एक लाख नौ हजार ५७४ मतदाता थिए।
निर्वाचन क्षेत्र नम्बर ३ मा ५८ हजार २०९ मत खसेकोमा चार हजार ६६३ मत बदर भएको छ। निर्वाचन कार्यालयका प्रमुख हरिशचन्द्र जोशीका अनुसार अधिकांश मतपत्रमा दोहोरो छाप लागेको र कतिपयमा एउटा औँठा छापसमेत पाइएको छ।
निर्वाचन आयोगले जनाएको छ कि कञ्चनपुरमा कुल तीन लाख १७ हजार ६२३ मतदाता रहेका छन् र तीनवटै निर्वाचन क्षेत्रमा ५८.६७ प्रतिशत मतदान भएको थियो।
