काठमाडाैँ । प्रतिनिधिसभा सदस्य निर्वाचन–२०८२ को मतगणना अनुसार महोत्तरीमा करिब २० हजार मत बदर भएका छन्। मुख्य निर्वाचन अधिकृतको कार्यालयले जारी गरेको अन्तिम प्रतिवेदन अनुसार जिल्लाका चारवटै निर्वाचन क्षेत्रमा कुल १९,९३५ मत बदर भएको छ।
क्षेत्रगत विवरण अनुसार, महोत्तरी निर्वाचन क्षेत्र नम्बर १ मा ३,९५४ मत, क्षेत्र नम्बर २ मा ५,४४९ मत, क्षेत्र नम्बर ३ मा ५,०१० मत र क्षेत्र नम्बर ४ मा ५,५२२ मत बदर भएको मुख्य निर्वाचन अधिकृत माधवप्रसाद अधिकारीले जानकारी दिए ।
जिल्लामा चारवटा निर्वाचन क्षेत्र रहेको छ र त्यहाँ कुल ४,३१,२८२ मतदाता कायम गरिएको छ। प्रतिनिधिसभा सदस्य २०८२ को मतदानमा कुल २,६१,३४६ मतदाता मतदान गर्नुभएका थिए, जसअनुसार मतदान दर ६०.५९ प्रतिशत रहेको छ। यसमध्ये २,४१,४११ मत (९२.३७ प्रतिशत) सदर भएका छन् भने १९,९३५ मत (७.६२ प्रतिशत) बदर भएको छ।
