काठमाडाैँ । लेबनानी सरकारले राज्यको अधिकार बाहिरका सबै सैन्य र सुरक्षा गतिविधिहरू गैरकानूनी भएको घोषणा गरेको छ । मन्त्रिपरिषद्को तर्फबाट बोल्दै लेबनानका प्रधानमन्त्री नवाफ सलामले विशेष गरी हिजबुल्लाह समूहलाई आफ्ना हतियारहरू राज्यका संस्थाहरूलाई सुम्पन आह्वान गरे।
लेबनानी राज्यले आफ्नो वैध संस्थाहरूको ढाँचा बाहिर लेबनानी क्षेत्रबाट शुरु गरिएका कुनैपनि सैन्य वा सुरक्षा कार्यहरूलाई पूर्ण रूपमा अस्वीकार गरेको बताए । जसमा कुनै अस्पष्टता वा व्याख्याको ठाउँ नरहेको बताए ।
हिजबुल्लाहको सशस्त्र गतिविधिले राज्यको अधिकारमाथि उल्लङ्घन गरेको घोषणा गर्दै मन्त्रिपरिषद्ले सुरक्षा निकायहरूलाई उल्लङ्घन गर्नेहरूलाई पक्राउ गर्न र लेबनानी क्षेत्रबाट रकेट वा ड्रोन प्रक्षेपण रोक्न आदेश दिएको छ ।
इरानी रेड क्रिसेन्टकाअनुसार पछिल्लो समय आक्रमण सुरू भएदेखि कम्तिमा ५ सय ५५ जनाको मृत्यु भएको छ । यसैबीच म्यागेन डेभिड एडोम उद्धार सेवाका अनुसार इजरायलमा १० जनाको मृत्यु भएको छ ।
