काठमाडौं । अन्नपूर्ण चिनी मिलका सञ्चालक राकेश अग्रवालले उखु किसानको ५० लाख रुपैयाँ भुक्तानी दिएका छन् । बिहीबार र शुक्रबार गरी उखु किसानलाई ५० लाख रुपैयाँ भुक्तानी दिएको उद्योग वाणिज्य तथा अपूर्ति मन्त्रालयलाई जानकारी गराएको हो ।
मन्त्रालयका प्रवक्ता दिनेश भट्टराईका अनुसार अन्नपूर्ण चिनी मिलले मात्रै किसानको ४२ करोड रुपैयाँ भुक्तानी दिनुपर्ने बताए । मन्त्रालयमा अग्रवालले पुस २५ भित्र ५ करोड र माघको पहिलो सातामा १२ करोड तथा माघ भरीमा पूरै भुक्तानी गर्ने प्रतिबद्धता जनाएका छन् । मन्त्रालयमा आजै किसान, उद्योगी र सरकारबीच वार्ता हुँदैछ ।
पुस भित्रमा ८० प्रतिशत र माघको पहिलो सातामा शतप्रतिशत भुक्तानी दिने गरी सहमतिको प्रयास भइरहेको प्रवक्ता भट्टराईले बताए ।
