काठमाडौँ । धादिङमा बस दुर्घटनामा घाइते भएकामध्ये एक जनाको काठमाडौँमा उपचारका क्रममा मृत्यु भएको छ। जिल्ला प्रहरी कार्यालय धादिङका अनुसार मृत्यु हुनेको घर स्याङ्जा जिल्लामा रहेको छ।
पोखराबाट काठमाडौँ जाँदै गरेको ग १ ख १४२१ नम्बरको पृथ्वी यातायातको बस गएराति करिब एक बजे धादिङको बेनिघाट रोराङ्ग गाउँपालिका–५, भैंसेगौडा नजिकै त्रिशूली नदी किनारमा खसेको थियो। दुर्घटनामा प्रारम्भिक रिपोर्ट अनुसार १७ जनाको घटनास्थलमै मृत्यु भएको थियो।
बसमा सवार ४४ मध्ये २७ घाइतेलाई काठमाडौंसहित विभिन्न अस्पतालमा उपचारका लागि पठाइएको थियो भने अचेत अवस्थामा रहेका केही घाइतेलाई मलेखु र जिल्ला अस्पताल धादिङमा लगिएको थियो।
