आइसिसि टी–२० विश्वकप क्रिकेट अन्तर्गत गएरातिको खेलमा दक्षिण अफ्रिकासामु भारतको लज्जास्पद हार भएको छ । भारतको अहमदाबाद स्थित नरेन्द्र मोदी रंगशालामा भएको खेलमा भारत ७६ रनले हार व्यहोर्न बाध्य भयो ।
अफ्रिकाले दिएको १८८ रनको लक्ष पछ्याएको भारत १८.५ ओभरमा सबै विकेट गुमाएर १११ रनमा पभेलियन फर्किएको थियो । भारतका लागि शिभम दुबेले सर्वाधिक ४२ रन बनाएका थिए । अन्य ब्याट्सम्यानमा हार्दिक पान्ड्या र कप्तान सूर्यकुमार यादवले समान १८ रन बनाउनु बाहेक अन्य ब्याटर झिनो रन बनाएर आउट भएका थिए ।
भारतलाई सस्तैमा आउट गर्नेक्रममा अफ्रिकाली तिब्र गतिका बलर मार्को यान्सेनले ४ विकेट लिएका थिए । यस्तै, केशब महाराजले ३, कोर्बिन बोस्चले २ र एडेन मार्करमले १ विकेट लिएका थिए ।
बोर्डमा शून्य रन हुँदा अभिषेक शर्माको विकेट गुमाएको भारतले त्यसपछि लगातार विकेट गुमाएको थियो ।
यसअघि, अफ्रिकाले टस जितेर भारत विरुद्ध ब्याटिङ गरेको थियो । निर्धारित २० ओभरमा अफ्रिकाले डेभिड मिलर (६३ रन), डिवाल्ड ब्रेभिस (४५ रन) र ट्रिस्टान स्टब्स (४४) रन को मद्दतले १८७ रन बनाएको थियो ।
प्रारम्भिक ब्याटरहरु क्वीन्टन डी कक (६), कप्तान एडन मार्करम (४) र रायन रिकलटन (७) सुरुमै पभेलियन फर्केपछि अफ्रिका संकटमा थियो तर डेभिड मिलर र डिवाल्ड ब्रेभिसले टिमलाई ठूलो स्कोरतर्फ डोर्याएका थिए ।
