आइसिसि टी–२० विश्वकप क्रिकेट अन्तर्गत नाथान एलिस र एडम जाम्पाको प्रभावशाली खेल सहित अस्ट्रेलियाले विजयी सुरुआत गरेको छ ।
श्रीलंकाको कोलम्बो स्थित आर प्रेमदासा रंगशालामा भएको खेलमा अस्ट्रेलियाले तुलनात्मक रुपमा कमजोर टिम आयरल्यान्डलाई ६७ रनले पराजित गरेको थियो ।
टस जितेर ब्याटिङ रोजेको अस्ट्रेलियाले निर्धारित २० ओभरमा ६ विकेट गुमाएर १८२ रन बनाएको थियो । अस्ट्रेलियाका लागि मार्कस स्टोइनिसले ४५, म्याट रेनस र जस इङलिसले समान ३७ रन, क्यामरुन ग्रिनले २१ रन बनाएका थिए ।
जितका लागि १८३ रनको विजयी लक्ष पछ्याएको आयरल्यान्डले १६.५ ओभरमा सबै विकेट गुमाएर ११५ रन मात्र बनाउन सक्यो ।
आयरल्यान्डका लागि जर्ज डकरेलले सर्वाधिक ४१ रन बनाएका थिए भने लरकान टकरले २४ रन बनाउनु बाहेक अन्य खेलाडी सस्तैमा पभेलियन फर्केका थिए ।
अस्ट्रेलियाका लागि एडम जाम्पा र नाथान एलिसले समान चार चार विकेट लिएका थिए । एक विकेट म्याथ्यु कुह्नमानले लिएका थिए । कप्तान पल स्टर्लिङ १ रन बनाएर रिटायर्ड हर्ट भएका थिए ।
समूह सी मा रहेको अस्ट्रेलियाले यो जितसँगै १ खेलबाट २ अंक बटुलेको छ ।
यस समूहमा अस्ट्रेलिया, आयरल्यान्ड, आयोजक श्रीलंका, जिम्बाबे र ओमान रहेका छन् । श्रीलंका र जिम्बाबेले पनि एक एक खेल जितेर दुई दुई अंक बटुलेका छन् ।
तेस्रो खेल
वेस्ट इन्डिज vs इङल्यान्ड
