काठमाडौं: नेपाल प्रहरीको काठमाडौं उपत्यका अपराध अनुसन्धान कार्यालयको टोलीले रु. ६० लाख डकैतीको घटनामा संलग्न चार जनालाई पक्राउ गरेको छ ।
कार्यालयका सूचना अधिकारी एसपी रामेश्वर कार्कीका अनुसार, प्रहरीले काभ्रेका दीपक आले मगर, रसुवाका विक्रम तामाङ, नुवाकोटका जीवन तामाङ र नवलपरासीका कर्ण बहादुर सुनारलाइ पक्राउ गरी अनुसन्धान थालेको छ ।
घटना विवरण अनुसार, गत माघ १४ गते काठमाडौं–१४ स्थित घ्याङखेलमा एक व्यक्तिलाई बोलाई सस्तो मूल्यमा बिल सहितको सुन दिन्छु भनी प्रलोभनमा पारेर नगद रु. ६० लाख लुटेर ८–९ जनाको समूह फरार भएको थियो ।
पक्राउ परेका व्यक्तिहरुबाट प्रहरीले नगद रु. ९ लाख ४२ हजार, मोबाइल ५ थान, मोटरसाइकल ३ थान र विभिन्न मोबाइलमा प्रयोग गरेको सिमकार्ड १३ थान बरामद गरेको छ ।
