काठमाडौँ । प्रतिनिधिसभाको आज बस्ने बैठकमा प्रधानन्यायाधी चोलेन्द्र शमशेर राणा विरुद्धको महाअभियोग प्रस्ताव पेश गर्ने तयारी छ । बैठक दिउँसो संसद् भवन नयाँ बानेश्वर दिउँसो १ बजे बस्नेछ ।
संविधानको धारा १०१ को उपधारा २ एवं प्रतिनिधिसभा नियमावली, २०७५ को नियम १६१ को उपनियम २ बमोजिम प्रधानन्यायाधीश चोलेन्द्र शमशेर राणाविरुद्ध दर्ता भएको महाअभियोगको प्रस्तावमाथि छलफल हुने दिन र समय निर्धारण हुने संसद् सचिवालयले सार्वजनिक गरेको सम्भावित कार्यसूचीमा उल्लेख छ । कार्यसूचीमा सार्वजनिक लेखा समितिका सभापति भरतकुमार शाहले समितिको २१औँ वार्षिक प्रतिवेदन पेश गर्ने कार्यक्रम रहेको छ ।
यही फागुन १ गते संसद् सचिवालयमा महाअभियोग प्रस्ताव दर्ता भएको थियो । नेकपा (माओवादी केन्द्रका प्रमुख सचेतक देव गुरुङ, नेपाली कांग्रेसका सचेतक पुष्पा भुसाल र नेकपा (एकीकृत समाजवादी)का प्रमुख सचेतक जीवनराम श्रेष्ठको प्रस्ताव र ९५ सांसदको समर्थनमा महाअभियोग प्रस्ताव दर्ता गरिएको थियो ।
