![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
काठमाडौं । नेपाल कम्युनिष्ट पार्टीले पार्टी सदस्यहरूका लागि आचार संहिता जारी गरेको छ। नेकपाले ११ बुँदे आचारसंहिता आइतबारदेखि मुलुकभर सर्कुलर गरिएको हो ।
![](https://newspolar.com/wp-content/uploads/2019/12/oli-dahal-1000x589.jpg)
संगठन विभागका प्रमुख वामदेव गौतमसहितको समितिले बनाएको आचार संहितामा आफ्ना छोराछोरीलाई कसरी सम्बोधन गर्नेदेखि मुलुकको हितका लागि के-के गर्ने भनेर उल्लेख गरिएको छ।
संहिताको बुँदा नम्बर २ मा सबै तहका नेता, कार्यकर्ता र पार्टी सदस्यले परिवारमा कस्तो आचरण गर्ने भनेर उल्लेख गरिएको छ। जसमा कसैलाई तँ भन्न पूर्ण रूपले बन्द गर्नुपर्ने उल्लेख छ।
![](https://newspolar.com/wp-content/uploads/2020/01/1-1-2.jpg)
‘परिवारका सदस्य र अरूसँग बोलिने भाषा मर्यादित, सरल र मिठासपूर्ण बनाउनुपर्छ। कसैलाई पनि हेलाहोचो, एकारान्त तथा तँ भन्न पूर्णरूपले बन्द गर्नुपर्छ,’ आचारसंहितामा उल्लेख छ।
![](https://newspolar.com/wp-content/uploads/2020/01/2-6.jpg)
पार्टी सदस्यहरूले बेला बेलाबेलामा आफ्नो परिवारका सदस्यको बैठक बसालेर सबैलाई सल्लाह सुझाव दिनु पर्ने समेत भनेको छ। यो आचारसंहिता लागु गराउन सबै तहका कमिटीलाई भनिएको छ।
![](https://newspolar.com/wp-content/uploads/2020/01/3-9.jpg)