ईङ्लिस प्रिमियर लिग पुटबलमा चेल्सी र आर्सनलले बराबरी खेलेका छन् । लण्डन डर्बीमा मगलबार राति भएको खेलमा चेल्सी र आर्सनलले २–२ गोलको बराबरी खेल्दै अंक बाँडेका हुन् । खेलको २६ औ मिनेटमा डेबिड लुईस रातो कार्ड खाएपछि आर्सनल १० खेलाडीमा सिमित बनेको थियो । खेलमा अग्रता भने चेल्सीले २८ औ मिनेटमा जोर्गिन्होको पेनाल्टी गोलबाट लिएको थियो।
तर खेललाई फर्काउन ६३ औ मिनेटमा ग्याब्रियल मार्टिनेलीले गोल गरेका थिए । खेल सकिन ८ मिनेट अगाडी चेल्सीका कप्तान सिजर एजिपिलिकुएटाले गोल गर्दै घरेलु टोलीलाई पुन अग्रता दिलाए । त्यसको तीन मिनेटपछि हेक्टर बेलरिनले डिबक्स बाहिरबाट गोल गर्दै आर्सनललाई एक अंक दिलाउन सफल रहे ।
१० खेलाडीमा सिमित बनेको भएपनि आर्सनलले चेल्सीलाई २–२ को बराबरीमा रोक्दै अंक खोस्न भने सफल रह्यो । बराबरीसंग चेल्सी ४० अंक सहित तालिकाको चौथो स्थानमा यथवात छ । आर्सनल ३० अंक सहित दशौं स्थानमा छ ।
