ईङ्लिस प्रिमियर लिग फुटबलमा मंगलबार राति भएको खेलमा म्यान्चेष्टर सिटीले जित हात पारेको छ । खेलमा सिटीले सेफिल्ड युनाईटेडलाई १–० गोल अन्तरले हराएको हो । सिटीलाई जित दिलाउन खेलको ७३ औं मिनेटमा सर्जियो अग्युरोले गोल गरेका थिए ।
बैकल्पिक खेलाडीको रुपमा मैदान छिरेका अग्युरोले सिटीका लागि गोल गरेका हुन् । पछिल्ला तीन खेलमा अग्युरोको यो छैटौ गोल हो । ग्याब्रियल जिससको पेनाल्टी प्रहार घरेलु टोलीका गोलकिपर डेन हेन्डरसनले रोकिदिँदा सिटीले अग्रता लिने अवसर गुमाएको थियो । ।
जितपछि सिटी ५१ अंक सहित तालिकाको दोस्रो स्थानमा रहेको छ । सेफिल्ड ३३ अंक सहित तालिकाको सातौ स्थानमा छ ।
